Էպիլեպսիայի, Պարկինսոնի հիվանդության, դողի և այլ շարժողական խանգարումների, ինչպիսիք են դիստոնիան, խորեան և Տուրետի համախտանիշը, բուժումն իրականացվում է ստերեոտակտիկ վիրահատությունների միջոցով։ Այս մեթոդի էությունը գլխուղեղի հատուկ կենտրոնների թիրախային այրումն է փոքր էլեկտրոդ-ասեղի օգնությամբ, ինչը նպաստում է հիվանդության ախտանիշների նվազեցմանը կամ վերացմանը։ 
Այլընտրանքային տարբերակ են գլխուղեղի իմպլանտավորմամբ իրականացվող վիրահատությունները, որոնց ընթացքում տեղադրվում է էլեկտրոդ-իմպլանտ, իսկ բուժառուն ստանում է հեռակառավարման վահանակ՝ խթանման գործընթացը կառավարելու համար։ 

Ամբողջ աշխարհում լայն տարածում է ստանում նաև տրանսկրանիալ մագնիսական ստիմուլյացիան, որը կիրառվում է մի շարք այնպիսի հիվանդությունների բուժման մեջ, որոնց դեպքում դեղորայքային բուժումը բավարար արդյունավետություն չի ապահովում։