Մեր Մասին
ԷՆԴՈՍԿՈՊԻԿ ՆՅԱՐԴԱՎԻՐԱԲՈՒԺՈՒԹՅԱՆ ՈԼՈՐՏՈՒՄ ՄԵՐ ԱՇԽԱՏԱՆՔԱՅԻՆ ԹԻՄԸ ՀԱՄԱՐՎՈՒՄ Է ԱՌԱՋԱՏԱՐԸ:
Աննա
Ֆիզիոթերապիայի մասնագետ
Ես Աննան եմ, ֆիզիոթերապիայի մասնագետ։
Իմ մասնագիտական գործունեությունը միտված է շարժողական ֆունկցիաների վերականգնմանը և օրգանիզմի ընդհանուր ֆիզիկական վիճակի բարելավմանը։ Ես մասնագիտացած եմ վերականգնողական թերապիայի և անհատական ֆիզիկական վարժությունների ծրագրերի մշակման մեջ՝ նպաստելով արդյունավետ և անվտանգ ապաքինմանը։
Հակոբ Անդրիասյան
Նյարդավիրաբույժ
Ես Հակոբ Անդրիասյանն եմ, նյարդավիրաբույժ։
Իմ մասնագիտական գործունեությունը սերտորեն կապված է ֆունկցիոնալ նյարդավիրաբուժության հետ։ Ես մասնակից եմ բոլոր վիրահատություններին և վիրակապություններին, կատարում եմ ստերեոտակտիկ վիրահատությունների հաշվարկը:
Լիլիա
Ֆիզիոթերապիայի մասնագետ
Ես Լիլիան եմ, ֆիզիոթերապիայի մասնագետ։
Իմ մասնագիտական գործունեությունը միտված է ֆունկցիոնալ շարժունակության վերականգնմանը և ցավերի նվազեցմանը։ Ես մասնագիտացած եմ տարբեր վիրահատություններից և վնասվածքներից հետո վերականգնողական գործընթացների կազմակերպման մեջ՝ օգնելով ստեղծել անհատական վերականգնողական ծրագրեր։
Լուսինե Աղասյան
Վիրահատարանի բուժքույր
Ես Աղասյան Լուսինեն եմ`վիրահատարանի բուժքույր։
Վիրահատության ընթացքում ես ապահովում եմ անհրաժեշտ կարգը, նախապատրաստում եմ սարքավորումներն ու գործիքները և անում եմ ամենը` որպեսզի Ձեր վիրահատությունն անցնի անվտանգ և կազմակերպված պայմաններում ։
Ես Բարսամյան Լենան եմ՝ անեսթեզիոլոգի օգնական։
Ուղեկցում եմ Ձեզ վիրահատարան և ողջ վիրահատության ընթացքում ապահովում եմ Ձեր անվտանգությունն ու հարմարավետությունը։ Օգնում եմ, որպեսզի Ձեր անզգայացումը անցնի հնարավորինս անվտանգ։
Անեսթեզիոլոգի օգնական
Լենա Բարսամյան
Տաթևիկ Փիլթակյան
Ավագ Բուժքույր
Ես՝ Տաթևիկ Փիլթակյանս, ավագ բուժքույր եմ, ով համակարգում է հիվանդների նախավիրահատական հետազոտությունները և ապահովում, որ յուրաքանչյուր հիվանդ կազմակերպված ու անվտանգ հասնի վիրահատարան, իսկ վիրահատությունից հետո հսկում եմ հետվիրահատական ընթացքը:
Արմեն Մինասյան
Անեսթեզիոլոգ-Ռեանիմատոլոգ
Ես Արմեն Մինասյանն եմ՝ անեսթեզիոլոգ-ռեանիմատոլոգ։ Ապահովում եմ վիրահատությունների ընթացքում անզգայացման անվտանգ և արդյունավետ իրականացումը։ Վիրահատության ողջ ընթացքում ես կլինեմ ձեր կողքին՝ վերահսկելով ձեր վիճակը և ապահովելով անզգայացման ամբողջ ընթացքը։
Քրիստինե Բաղդասարյան
Նյարդաբան
Ես Քրիստինե Բաղդասարյանն եմ՝ նյարդաբան։ Իմ մասնագիտական ուղղվածություններն են էպիլեպսիան, Պարկինսոնի հիվանդությունը և շարժողական խանգարումները։ Վիրահատությունից հետո ես աջակցում եմ հիվանդների մոտ տեղադրված համակարգերի ծրագրավորման գործընթացին և հետևում դրանց արդյունավետ աշխատանքին։
Մեր թիմը
ԱՀԱ ԱՅՍ ՄԱՐԴԿԱՆՑ ՀԱՄԱՏԵՂ ՈՒԺԵՐՈՎ Է ՀՆԱՐԱՎՈՐ ԴԱՌՆՈՒՄ ԻՐԱԿԱՆԱՑՆԵԼ ՎԻՐԱՀԱՏՈՒԹՅՈՒՆՆԵՐԸ:
Արման Հակոբյան
Նյարդավիրաբույժ
Ես Արման Հակոբյանն եմ՝ բժշկական գիտությունների դոկտոր, նյարդավիրաբույժ։ Հայաստանում էնդոսկոպիկ և մի շարք այլ նորարարական վիրահատական մեթոդների ներդրման հեղինակ եմ։ Հավաստիացնում եմ, որ կկատարեմ հնարավոր ամեն ինչ, որպեսզի Դուք վիրահատությունից հետո լիարժեք ապաքինված վերադառնաք տուն ։