Բուժումը սկսվում է ֆիզիոթերապևտիկ միջոցառումներից։ Եթե դրանց արդյունավետությունը բավարար չէ, իրականացվում են տարաբնույթ բլոկադաներ, ինչպես նաև ցավի պատճառ հանդիսացող կենտրոնների թիրախային այրում՝ ռադիոալիքային աբլյացիայի մեթոդով։ Եթե այս մեթոդն էլ անարդյունավետ է, կիրառվում է ողնուղեղի ստիմուլյացիա (SCS)։ Սա վիրահատություն է, որը կատարվում է փոքր անցքով. տեղադրվում է իմպլանտ ողնուղեղի վրա, ինչի շնորհիվ կասեցվում է ցավի փոխանցումը դեպի ուղեղ։ Եթե նաև այս մեթոդը բավարար արդյունք չի տալիս, ապա ստերեոտակտիկ վիրահատության միջոցով գլխուղեղում ջերմային ազդեցություն է կիրառվում (այրում) ցավի կենտրոնի վրա։

 

Վերականգնողական բուժման հնարավորությունները լայն են։ Մենք համակցում ենք տարբեր մեթոդներ, ինչպիսիք են ամբողջ մարմնի սառեցումը, պասիվ և ակտիվ կինեզիոթերապիան, հորիզոնական էլեկտրոստիմուլյացիան, ջրային պրոցեդուրաները, ստորջրյա ձգումը, ցեխաբուժությունը և ցավային կետերում ածխաթթու գազի ներարկումը (կարբոքսիթերապիա)։