Դրանից հետո անհրաժեշտ է կատարել համապատասխան վճարում (մոտավորապես 30,000 ՀՀ դրամ), և Ձեզ կնշանակվի օր և ժամ։
Նշված ժամին կկատարվի մոտ 12 րոպե տևողությամբ վիդեո խորհրդատվություն, որի ընթացքում կքննարկվեն Ձեզ հուզող բոլոր հարցերը։
Օնլայն խորհրդատվություն. Ինչպե՞ս է այն իրականացվում
Հարգելի դիմող,
Խնդրում ենք նկատի ունենալ, որ մենք չենք իրականացնում դեղորայքային բուժման կամ ախտորոշման վերաբերյալ խորհրդատվություն։
Եթե ցանկանում եք պարզել՝ Ձեր խնդի րը, կապված գլխուղեղի, ողնաշարի կամ ողնուղեղի հիվանդությունների հետ, պահանջում է վիրաբուժական միջամտություն, ապա խնդրում ենք՝
-
Սկզբում ուղարկել ՄՌՏ հետազոտության եզրակացությունը։
-
Մեր կողմից նախնական համաձայնություն ստանալուց հետո՝ ուղարկել ՄՌՏ հետազոտության ամբողջական տվյալները համապատասխան ծրագրով։
-
Ներկայացնել Ձեր հիմնական գանգատները՝ ձայնային կամ տեսաձայնագրության ձևաչափով։
ԷՆԿլինիկը հիմնադրվել է 2026 թվականին՝ նպատակ ունենալով ապահովել բարձրակարգ բժշկական ծառայություններ կենտրոնական նյարդային համակարգի հիվանդությունների ախտորոշման և բուժման ոլորտում։
Կլինիկայի անվանումը՝ «ԷՆ», ծագում է «նեյրոն» բառից և հանդիսանում է մեր հիմնադրի լոգոյի առանցքային խորհրդանիշը։ Նեյրոնը կենտրոնական նյարդային համակարգի հիմնական կառուցվածքային և ֆունկցիոնալ միավորն է։ Նեյրոնների համախմբված և համակարգված գործունեությունն է ձևավորում գլխուղեղի ամբողջական աշխատանքը։ Այս գաղափարախոսությու նն է ընկած նաև մեր կլինիկայի գործունեության հիմքում։
Մեր ծառայությունները
-
Նյարդավիրաբուժական խորհրդատվություն
-
Նյարդաբանական խորհրդատվություն
-
Օնլայն խորհրդատվություններ՝ անհրաժեշտության դեպքում
-
Նախավիրահատական ծրագրային պլանավորում և նեյրոնավիգացիոն քարտեզագրում
-
Ստերեոտակտիկ վիրահատությունների պլանավորում
-
Արտագնա ներվիրահատական նեյրոմոնիտորինգային ծառայություններ
-
Ֆիզիոթերապիա
-
Տրանսկրանյալ մագնիսական ստիմուլացիա (TMS)