t Կյանքի նոր շունչ ողնաշարի վիրահատությունից հետո - Spine Surgery Armenia
Բաժիններ
Կյանքի նոր շունչ ողնաշարի վիրահատությունից հետո

 

Տիկին Աղավնին, տարիներ առաջ ավարտելով Երևանի պետական բժշկական համալսարանը, Հիպոկրատի երդում տվեց, որ կօգնի հիվանդներին իր խղճի համաձայն, որքան ներեն ուժերը: Տարիներ շարունակ նա, հավատարիմ լինելով իր տված երդմանը, անձնվիրաբար կատարել է իր գործը՝ փրկելով բազմաթիվ կյանքեր: Բայց կյանքում ոչ ոք ոչինչից ապահովագրված չէ: Եվ ինչ իմանար տիկին Աղավնին, որ մի օր չարաբաստիկ հիվանդությունը նրան կգամի անկողնուն՝ կտրելով թե՛ սիրելի աշխատանքից, թե՛ առօրյա կենսակերպից: Հիվանդությունը նրան երկար ժամանակ թույլ չտվեց վեր կենալ անկողնուց: Վերջապես նա որոշեց լուրջ քայլեր ձեռնարկել ոտքի կանգնելու համար: Եվ նա վստահելով դիմեց Նաիրի բժշկական կենտրոնի էնդոսկոպիկ նյարդավիրաբուժության և ողնաշարի վիրաբուժության բաժանմունք: Անցնելով մի շարք հետազոտություններ՝ որոշվեց կատարել ողնաշարի ռեկոնստրուկտիվ վիրահատություն՝ տրանսպեդիկուլյար ֆիքսացիա: Վիրահատությունն անցավ պլանավորածի պես բարեհաջող և 2 օր անց հիվանդը դուրս գրվեց: Ամբողջ անձնակազմի անունից մենք մաղթում ենք տիկին Աղավնիին առողջություն և հիացած ենք նրա անկոտրուն կամքով և լավատես տրամադրվածությամբ, որը բուժման արդյունավետության գրավականն է: